Сноуден не го прифаќа заклучокот на Конгресот на САД дека бил предавник

MOSCOW, RUSSIA - DECEMBER 2013: (EXCLUSIVE ACCESS; PREMIUM RATES (3X) APPLY) Former intelligence contractor Edward Snowden poses for a photo during an interview in an undisclosed location in December 2013 in Moscow, Russia. Snowden who exposed extensive details of global electronic surveillance by the National Security Agency has been in Moscow since June 2012 after getting temporary asylum in order to evade prosecution by authorities in the U.S. (Photo by Barton Gellman/Getty Images)

Поранешниот соработник на американската Национална агенција за безбедност (НСА), Едвард Сноуден, кој сега живее во Русија, не ги прифаќа наодите на Конгресот на САД дека тој не е „свиркач“, туку предавник.

Американските медиуми јавуваат дека во изјавата, дадена преку видео линк од Русија и испратена до комитетот кој покрена кампања за негово „претседателско помилување“, Сноуден тврди дека наодот на Конгресот е пристрасен и не ја одразува вистината.

Сноуден и натаму тврди дека не сака да се врати во САД и да одговара на суд, пред порота, затоа што не верува дека ќе му биде овозможено фер судење.

Конгресниот Комитет за разузнавање и безбедност во извештај за делувањето на Сноуден, на 36 страници, му предлага на претседателот Барак Обама да не го помилува бегалецот, затоа што со својата постапка, овој „незадоволен работник“ само им помогнал и се уште им помага на непријателите на својата земја.

Во 2013 година, Сноуден украде илјадници тајни и доверливи документи на американската администрација и на безбедносните служби и ги објави во јавноста, а потоа побегна прво во Хонг Конг, а потоа во Москва, каде доби руски политички азил.

Сноуден и сега тврди дека тој го открил „нелегалното следење на телефонските и интернет комуникации“ на граѓаните на САД од страна на НСА, како дел од антитерористичката борба по 11 септември 2001 година.

Конгресниот извештај ги отфрла таквите тврдења на Сноуден и на оние кои го заштитуваат, обвинувајќи го дека „открил воени тајни кои немаат ништо заедничко со приватноста на Американците, туку помагаат во заштитата на американските војници во странство и имаат витална улога во одбраната на САД од тероризмот“.

Оние кои го поддржуваат Сноуден сметаат дека тој не може да биде обвинет и осуден за „заштита на човековите права“, но извештајот на Конгресот посочува дека „незадоволниот работник“ Сноуден кој имал проблеми со своите колеги во НСА и кој лажел за своето минато, немал право да работи против интересите на својата земја.

Белата куќа веќе соопшти дека не прифаќа помилување за Едвард Сноуден.

Доколку преземете содржина од оваа страница, во целост сте се согласиле со нејзините Услови за користење.