Скопската полиција поднесе кривична пријава против Д.Б.(50) од Скопје поради основано сомнение дека сторил кривично дело „убиство во обид”. Вчера во Ургентниот центар Скопје била донесена Е.Б.(46). Таа околу 7 часот на улица Московска била физички нападната од пријавениот, кој е нејзин сопруг, при што со метална цевка и нанел тешки телесни повреди и го напуштил местото на настанот.
По преземени мерки истиот е приведен од страна на Единицата за прв одговор и интервенција “Алфа”.
Според најновите податоци до кои дојде Канал5, жената е хоспитализирана на неврохирургија, се наоѓа во кома и е приклучена на апарати за дишење. Лекарите велат дека има скршен череп и повреди на мозокот и е во многу тешка состојба.
Неофицијално сопружниците кои имаат два деца се разведуваат. Против него имало кривична за семејно насилство и пред три месеци.