Во рудничкиот крај се појавија невообичаено голем број на змии, што е последица на долготрајните дождови и поплави, па сите влекачи бегаат на суви места, соопштија српските стручњаци.
Во изјава за агенцијата Бета најстариот ветеринар во Горни Милановац, Раде Јевремовиќ тврди дека мај е карактеристичен по зголемен број на змии, бидејќи им е период на парење и поради тоа треба да се биде внимателен, бидејќи тие реагираат само во одбрана.
„Тие се си закон заштитени и корисни животни бидејќи ги уништуваат глодарите и треба адекватно да се подготвите за движење по голема трева и места каде што можат да се појават,“ објасни Јевремовиќ.
Тој препорача да се користи нафталин за да се спречи движењето на змиите во близина на објектите каде што народот се собира, бидејќи не го поднесуваат мирисот и бегаат подалеку.
Употребата е едноставна. Се расекува пластичното шише со кој се покрива нафталинот издигнат над земјата, за дождот да не го измие, а змиите го чувствуваат на голема оддалеченост и никаде во околината не се задржуваат.
