Македонија

Со програмите на Владата за намалување на невработеноста досега вработени 2.883 млади лица

Со програмите на Владата за намалување на невработеноста досега вработени 2.883 млади лица

Александар Ѓорѓиев, портпаролот на Владата на Република Македонија, гостуваше во вестите на Канал 5 телевизија, каде говореше за владините мерки за намалување на невработеноста кај млади лица до 29 години.

Се работи за оглас кој е распишан и ќе трае до 22 август. Даваме поширок рок за да има поголем одѕив за да аплицираат младите. Содржи голем број мерки за различи категории на граѓани, но значајно е да се истакне дека има можност доколку млади невработени лица под 29 години и под евиденција на Агенцијата за вработување на Република Македонија, може во група да аплицираат во АВРМ и да се стекнат со право да користат финансиска можност да основаат бизнис за самовработување, истакна Ѓорѓиев.

Тој потенцираше дека опсегот на средства кои може да се добијат е од 7.000 до 23.000 евра, со што основниот кредитобарател добива 7.000 евра, а останатите четворица, кој е максималниот број на лица кои може да аплицираат, добиваат по 4.000 евра, со што се добива максималната сума од 23.000 евра.

-Рокот за поврат е 7 години со грејс период од 18 месеци и камата од 1% на годишно ниво, што е навистина исклучителна можност. Вториот аспект се однесува за компании кои веќе функционираат и имаат потреба за вработување. Доколку вработат лица под 29 години, може до максимум 3 лица да вработат и добиваат по 4.000 евра за секое лице со рок на поврат од 2 години, грејс период од 1 година и камата од 1% годишно, потенцираше портпаролот.

Досега 1.730 компании побарале вработување на 3.004 млади лица, а досега се вработени 2.883 млади лица под 29 години на цела територија, во секој град, од секаква образовна структура.

Ѓорѓиев изјави дека резултатите се одлични и ги надминале нивните очекувања.