Магазин

„Соба со пијано“ прикажан во Белград

„Соба со пијано“ прикажан во Белград

Во преполната сала на Културниот центар во Белград, синиоќа беше прикажан „Соба со пијано“ на Игор Иванов, како филм од единствената компетитивна програма „Европа вон Европа“ во рамките на 42-то издание на реномираниот филмски фестивал – ФЕСТ.

Дел од филмската екипа се поклони пред фестивалските гости, љубителите на филмот и новинарите кои во голем број присуствуваа на оваа проекција, по што се одржа и Q&A сесија со продуцентот Томи Салковски, режисерот Игор Иванов, сценографот Миленко Јеремиќ и актерите Светозар Цветковиќ, Невена Ристиќ и Јагода Кумриќ.

Оние кои не го гледаа „Соба со пијано“ вчера, ќе имаат можност тоа да го сторат на следните две фестивалски проекции, закажани за денеска и утре.

На редовната фестивалска конференција за новинари, што ќе се одржи денес во 12:00 часот, ќе се обратат режисерот Игор Иванов и продуцентот Томи Салковски, а веднаш потоа ќе одржат спрецијално предавање пред студентите на Факултетот за Драмски Уметности во Белград, на тема „Соба со пијано“.