четврток, 23 март 2017  |  Вести денес: 0

Собир на битолчани за поддршка за Талевски: Заев е единствениот аболициран политички криминалец

Собир за поддршка на градоначалникот на општина Битола Владимир Талески се одржа синоќа во близина на зградата во која живее Талески.

sobir-640x316

Поврзани вести

Собир за поддршка на градоначалникот на општина Битола Владимир Талески се одржа синоќа во близина на зградата во која живее Талески.

Присутните граѓани на собирот изјавија дека бараат правично решение откако кривичниот суд определи куќен притвор за градоначалникот. Тие ја обвинуваат СДСМ за сценаријата кои ги прави и рекоа дека ако некој треба да биде обвинет, треба да бидe Заев.

cvetan

Вечерва сум тука да дадам поддршка на градоначалникот на општина Битола Владимир Талевски,  на една правна разрешница, а не на некоја циркузијада која ни ја создава Специјалното јавно обвинителство, некое безредие кое се прави во Република Македонија. Ако редот на нештата треба да биде правна разрешница, тогаш треба пред се господинот Заев да си даде оставка, да ја тргне од грбот својата аболиција, да застане пред суд и пред се да го разјасни тоа како успеа да дојде до тие 8 милијарди. Ако говориме за Владимир Талевски, говориме за човек кој трет мандат е овде градоначалник и овој народ што го гледате и многу покрај овие му дале јасна поддршка и стојат зад неговиот избор. Она што е направено е направено транспарентно, по сите правни процедури и мислам дека оваа циркузијада треба да прекине во Македонија и да почне навистина да владее правната држава. Ние како народ имаме една и основна алатка, а тоа се избори. Бујрум на избори, сите нека дојдат на избори и да го кажеме уште еднаш кој за што е. Тогаш ќе може да разговараме за сите останати работи, изјави оперскиот пејач Цветан Стојановски.

Тој нагласи дека ваква циркузијада не ни треба, тоа не враќа многу назад и смета дека кога Македонија тргна кон врвот на нормални, правни општества во кои владее правната држава и почна после долги години да се чувствува некаков стандард и развој за кој сите ние патиме, наеднаш се јавуваат некои сили кои сакаат сето тоа да го вратат назад и да го ничкосаат.

poddrska-taleski

Вечерва сме собрани сите тука да дадеме поддршка за градоначалникот Владимир Талевски, да докажеме дека правичноста ќе излезе на виделина, дека единствениот аболициран политички криминалец е Зоран Заев, изјави Весна Богдановска.

poddrska-2

Тука сме собрани да дадеме поддршка за градоначалникот Владимир Талевски и да кажеме дека единствен аболициран политичар е господинот Зоран Заев. Знаеме каква е политичката состојба и ако некој треба да биде обвинет, треба да биде господинот Зоран Заев, рече Блажевска Силвана.

Битолчани нагласија дека излегоа на собирот за поддршка на Талевски за да покажат дека ова преставува еден политички линч, дека градоначалникот не е виновен.

Најчитани вести