Собири на ГДОМ во повеќе градови во земјата

Собири на ГДОМ во повеќе градови во земјата
Собири на ГДОМ во повеќе градови во земјата

Граѓанското движење за одбрана на Македонија (ГДОМ) вечерва одржаа собири во повеќе градови во Македонија.

Граѓаните од собирот во Неготино побараа одржување на предвремените парламентарни изботи на 5 јуни, со што ќе се стави крај на политичката криза во земјата.

Доколку потрае политичката криза, како што нагласија, може да прерасне и во економска криза.

– Ова ќе биде референдум за Македонија, јасно изразена волја на народот македонски и порачуваме Македонија не треба да се руши, туку да се гради, рече Влатко Ристов од ГДОМ.

Поддржувачите на ГДОМ во Ресен побараа одржување избори на 5 јуни и крај на наметната политичка криза.

Ресенчани во маршот низ градот порачаа дека нема да дозволат деструкции и уништување на државата.

Граѓаните од Битола порачаа дека изборите на 5-ти јуни треба да се одржат затоа што по нив ќе биде решена кризата во која е втурна Македонија.

ГДОМ од Делчево на вечерашниот собир под знамето на Македонија порача дека изборите се референдум на Македонскиот народ.

Да за избори, на за деструкциите на СДСМ, беше пораката на жителите на Свети Николе, кои вечерва учествуваа на собирот на ГДОМ во овој град.

Доколку преземете содржина од оваа страница, во целост сте се согласиле со нејзините Услови за користење.