ТОП,Македонија

Собранието ги избра новите министри и заменици

Собранието ги избра новите министри и заменици

Собранието на Република Македонија на денешната 76 седница ги избра Оливер Спасовски за министер за внатрешни работи, Форсина Ташевска Ременски за министер за труд и социјална политика и Марта Арсовска- Томовска за министер за информатичко општество и администрација.

За Спасовски гласаа 101 пратеник, воздржани и против немаше, за Ташевска Ременски исто така гласаа 101 пратеник, воздржани и против немаше, додека за Арсовска- Томовска 71 пратеник гласаа „за“, додека 31 беа против.

Собранието претходно ги констатира оставките на министрите за внатрешни работи и за труд и социјална политика Митко Чавков и Диме Спасов, на министерот без ресот Висар Фида и на заменик министерката за информатичко општество и администрација Марта Арсовска- Томовска.

Денеска се избраа и пет дополнителни заменици министри, од кои тројца се по предлог на СДСМ, а двајца по предлог на ВМРО – ДПМНЕ.

По предлог на ВМРО – ДПМНЕ, заменици министри ќе бидат досегашните министри за внатрешни работи и за труд и социјална политика Митко Чавков (97 пратеници гласаа „за“ од вкупно 97) и Диме Спасов (95 пратеници гласаа „за“ од вкупно 95).

Кире Наумов, по предлог на СДСМ е новиот заменик министер за финансии (95 гласа „за“ од вкупно 95 пратеници. Љупчо Николовски, исто по предлог на СДСМ е изгласан за заменик министер за земјоделие (97 гласа  „за“ од вкупно 97 пратеници) и Александар Кирацовски е заменик министер за Информатичко општество (99 гласа „за“ од вкупно 99 пратеници).