Сочи: 44 светски лидери на отворањето на ЗОИ

Свеченото отворање на 22-те Зимски олимписки игри во живо ќе го проследат  44 светски лидери.

„На церемонијата на свечено отворање на Зимските олимписки игри во Сочи ќе присуствуваат 44 светски лидери, а во текот на двете недели од Игрите ќе дојдат вкупно околу 60 лидери, соопшти денеска прес-секретарот на рускиот претседател Владимир Путин, Дмитриј Песков.

Како што јави ИТАР-ТАСС, во интервју за радио „Комерсант ФМ“ Песков дополни дека „овие бројки може да бидат и корегирани“.

Песков, исто така, изјави дека руските специјални служби целосно ќе ја гарантираат безбедноста на Олимписките игри и увери дека се што требало да се направи за нивната безбедност, веќе е направено.

На оние кои критикуваат за злоупотреби при изградбата на олимписките борилшта, Посков им порача да дојдат во Сочи и да ги видат резултатите на таа „градба на векот“. Тој призна дека е можно во градењето на објектите во градот домаќин да има факти за злоупотреби, но одби еднострано да суди за тоа, изјавувајќи: „ние не сме судии“.

Песков, исто така, смета дека активистите за човекови права во странство често пати се „лошо информирани за тоа за што ја критикуваат Русија“.

Доколку преземете содржина од оваа страница, во целост сте се согласиле со нејзините Услови за користење.