Лидерот во Источната конференција во НБА лига, тимот на Индијана го претрпе третиот пораз на последните пет средби, овој пат неочекувано на својот терен од Феникс Санс со 102:94.
Најзаслужен за победата на „сонцата” беше Горан Драгиќ, кој постигна 28 поени и седум асистенции. На овој натпревар Драгиќ го следеа Џералд Грин и Маркус Морис со по 16 поени, додека 15 постигна Маркиф Морис. На домашните не им помогна ниту трипл-дабл учинокот на Ленс Стивенсон од 14 поени, 10 скока и 10 асистенции.
Резултати: Индијана – Феникс 94:102, Њујорк Никс – Кливленд 117:86, Голден Стејт – ЛА Клиперс 111:92
