Македонија

Сонце и дожд со температура до 25 степени

Сонце и  дожд со температура до 25 степени

Времето во земјава денеска ќе биде сончево со умерена облачност. Попладне ќе има врнежи од дожд, најпрво во јужните делови, а потоа ќе се прошируваат и кон север. Се очекува врнежите да бидат пообилни во ноќните часови и тоа во јужните и источните делови.

Утринската температура ќе се движи од шест до 13, а дневната од 20 до 25 степени.

Времето во Скопје ќе биде сончево со умерена облачност, а кон крајот на денот ќе настапи зголемување на облачноста која во ноќните часови ќе има услови за врнежи од дожд.

Утринската температура ќе се спушти до девет, а дневната ќе се искачи до 24 степени. Во среда наместа ќе има и појава на грмежи, а потоа до петок времето ќе биде претежно стабилно со пораст на дневната температура.