Македонија

Сончево време со магла

Сончево време со магла
Времето денеска во целата земја ќе биде сончево, стабилно и релативно топло време за овој период од годината. По одделни котлини и по речните долини ќе има слаба магла особено во утринските часови, а преку денот видливоста ќе биде променлива. На планините и на повисоките места ќе дува слаб југоисточен ветер.

Во Скопје ќе биде сончево и тивко со појава на магла со променлива видливост. Утринската температура ќе се спушти до минус два, а дневната ќе се искачи до девет Целзиусови степени.

Максималната дневна температура во Дебар ќе биде 13 степени, во Маврово 13, Охрид 14, Битола 13, Крушево 13, Гевгелија 17, Струмица 12, Кавадарци 15, Радовиш 15, Берово 15, Штип 16, Крива Паланка 15, Свети Николе 14, Виница 15…

И во наредните три дена времето ќе биде сончево и суво со утринска магла по котлините. Дневните температури ќе се движат во интервал од 9 до 18 степени.

Во петок и сабота се очекува променливо облачно време со повремени врнежи од дожд.