петок, 13 јануари 2017  |  Вести денес: 51

Сообраќајот се одвива без забрани, остатоци од кашест снег на дел од патиштата

sneg_patista

Поврзани вести

Сообраќајот на сите државни патишта се одвива тековно без забрани, застои и ограничувања по наместа влажни коловози, додека во западниот дел има остатоци од кашест снег по интервенција на дежурни екипи на ЈП Македонијапат.  Слаб снег провејува во Маврово, Смојмирово и на планински превој Ѓавато, јавува АМСМ.

АМСМ препорачува исклучително внимателно возење, прилагодена брзина на движење, почитување на поставената сообраќајна сигнализација и планирање на патувањето според временските услови. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово и Виница – Берово, каде е можна почеста појава на одрони.

Од 15-ти Ноември 2015 година на сила е законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15 Март 2016 година.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

Најчитани вести