Сообраќајна несреќа на регионалниот пат Маврово-Дебар се случила утринава во 11 часот. Несреќата се случила кај бензинската пумпа на Макпетрол кај Св. Јован Бигорски меѓу опел зафира со турски регистерски таблички управува од А. О (1965) и рено со гостиварски регистерски таблички управувано од З.Е (1954) од Врапчиште.
Во сударот потешко е повредена сопатничка во автомобилот рено Р.Е (1957) која по укажаната помош во гостиварската болница, пренесена е на лекување во Скопје.
Со тешки телесни повреди се здобиле и возачот на опел зафирата како и двајца други патници кои се наоѓале во возилото.
Тројцата се згрижени на лекување во гостиварската болница, каде што денеска треба да бидат и пуштени.
На местото е извршен увид од Јавен обвинител.
