Македонија

Сообраќајот се одвива по влажни коловози

Сообраќајот се одвива по влажни коловози

Сообраќајот на сите државни патишта се одвива без забрани, по влажни коловози. Врнежи од снег со променлив интензитет се бележат на повисоките места во државата, а на пониските места врнежите се од дожд.

Поради појава на магла намалена е видливоста до 100 метри на планинските премини Ѓавато и Плетвар.

Се уште е во тек забраната за движење тешки товарни возила на патниот правец Тетово-Попова Шапка поради остатоци од снег на коловозoт.

На патниот правец Македонски Брод-Прилеп Р-1303, поради оштетување на дел од мостот на Сланска река, има забрана за сообраќај на тешки товарни возила.

На патниот правец Р1205 Крупиште-Пробиштип кај месноста село Неокази, поради појава на вдлабнатина и попуштање на левата коловозна лента, гледано во правец кон Пробиштип-Крупиште, сообраќајот се одвива наизменично, само по десната коловозна лента.

Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.

Интензитетот на сообраќај на патните правци надвор од градските средини е умерен.

На граничните премини нема подолги задржувања за влез и за излез од државата.