Соработниците на Верушевски предложиле опремата да биде уништена бидејќи била неупотреблива уште во 2013 година. Целиот случај е инициран од осудениот за „Пуч“ Ѕвонко Костовски кој во 2013 година ја иницирал целата постапка.
Порталот Пресс 24 ексклузивно дознава дека на 20.12.2013 година Костовски испратил допис во кој вели:
Во поглед на следење на комуникациите од областа на фиксната телефонија, поради промена во мрежата за фиксна телефонија кај Македонски Телеком со воведување VoIP технологија, се јавува суштинска разлика во однос на комутацијата на говорот, а со тоа суштински е изменет начинот на пристап до опремата на Македонски Телеком. Ваквиот начин на пристап во моментот не е поддржан од постоечкиот технички систем, па од тие причини повеќе не постои можност за следење на комуникациите кај фиксната телефонија. Со постоечкиот систем воопшто не се опфатени другите телекомуникациски оператори кои нудат услуги од областа на фиксната телефонија.
На овој начин Ѕвонко Костовски известил дека старата опрема уште во 2013 била веќе неупотреблива и било неопходно да биде набавено нова.
