Спорт

Сосиедад ја посрамоти големата Барса

Сосиедад ја посрамоти големата Барса

Фудбалерите на каталонскиот гигант Барселона само по лошо ќе паметат првенствениот натпревар од 25. коло во шпанската Примера дивизион.Иако најавија сигурен триумф и освојување на планираните три бода, избраниците на Херардо Тата Мартино одиграа под очекуваното ниво во сите 90 минути и сосема заслужено со 3:1 се поразени од одличниот тим на Реал од Сосиедад.

И без помошта на најдобриот фудбалер, Кристијано Роналдо, кој најпосле ја одлежа суспензијата од три натпревари, новиот лидер на табелата, тимот на Реал (М) без многу мака со 3:0 го совлада гостинскиот тим на Елче.

Големот кикс на Барселона ќе се обиде да го искористи и тимот на Атлетико (М) кој денеска важи за апослутен фаворит во првенствената пресметка против домашниот тим на Осасуна.
Резултати: Селта – Гетафе 1:1, Реал М. – Елче 3:0, Сосиедад – Барселона 3:1, Алмерија – Малага 0:0.
Денеска на програмата: Р.Валјекано – Севилја, Бетис – Атлетик Б., Осасуна – Атлетико М., Валенсија – Гранада.