понеделник, 29 мај 2017  |  Вести денес: 48

Спасов: 100% обесштетување за граѓаните од поплавените подрачја, 50% поголема помош за социјално загрозените

spasov-sitel-1

Поврзани вести

Mинистерот за труд и социјална политика, Диме Спасов во вестите на Сител истакна дека граѓаните од поплавените подрачја ќе добијат 100 отстотно обесштетување од Владата, како и дека тимовите за проценка на штетите се на терен, а досега се попишани околу 2.500 семејства.

По проценките започнува втората фаза а тоа е утврдување на детална проценка.

-Очекуваме до среда да заврши теренската проверка со што ќе бидат посетени сите домаќинства. Потоа започнува деталната проценка и исплатата. Она што е најбитно е дека се што се оштетило во поплавите ќе биде обесштетено, вели Спасов.

Уште една од мерките на Владата е и зголемување за 50% на социјалната помош за сите приматели на истата.

-Најпогодени во поплавите се социјално загрозените граѓани. Сите приматели на социјална помош согласно последниот пакет кој го донесе Владата, ќе добијат 50% зголемената социјална помош за 3 месеци. Центрите за социјална работа, утврдија дека околу 550 семејства од социјален ризик се погодени во поплавите. Очекуваме до крајот на август центрите да донесат решенија за исплата, вели Спасов.

Најчитани вести