Весникот потсетува дека во Грција во моментов има околу 65.000 бегалци, додека во Турција нивниот број изнесува три милони. Доколку Анкара не го почитува договорот меѓу Турција и Унијата, за бегалците, постои ризик Грција повторно да биде преплавена со луѓе кои ќе сакаат да стигнат до северна Европа, пишува „Шпигел“.
Во истиот текст се наведува дека по подолго време на границата со Македонија се забележува зголемување на бројот на бегалци и мигранти.
Грчките медиуми нагласуваат дека од суштинско значење е имплементација на одлуката на Фронтекс, донесена на крајот од минатата година. Тие информираат дека првите странски граничари веќе се наоѓаат на северната грчка граница. Меѓу нив има и германски офицери со кучиња, а други 10 Германци се очекуваат да пристигнат во наредните неколку дена.
