Балкан

Србија не сака расипување на односите со Хрватска

Србија не сака расипување на односите со Хрватска

Српскиот претседатели Томислав Николиќ изјави дека Србија не сака расипување на односите со Хрватска и нема да стори ништо да ги загрози.

Николиќ воедно додаде и дека не добил повик од хрватската претседателка Колинда Грабар-Китаровиќ да ја посети Хрватска.

– Сега е ред Хрватска да ја покани Србија, изјави Николиќ за РТС, додавајќи дека поранешниот хрватски претседател Иво Јосиповиќ беше во посета на Србија, како и дека бил дочекан како добар сосед и пријател.

Николиќ изјави дека добрите односи се важни и за Србија и за Хрватска, нагласувајќи дека Хрватска се уште се наоѓа во предизборна и постизборна еуфорија, поради што не се осмелува да каже дека соработката со Србија е така важна.

Српскиот претседател истакна дека Белград нема да ги расипе односите со Хрватска и дека нема да стори ништо за нивно нарушување.

Николиќ своето неприсуство на инаугурацијата на хрватската претседателка го објасни со тврдењето дека имал силна причина за тоа, нагласувајќи дека 15. февруари е Ден на државноста на Србија. Тој, исто така, потести дека Србија на инаугурацијата на Колинда Грабар-Китаровиќ ја претставувал премиерот Александар Вучиќ.