четврток, 23 март 2017  |  Вести денес: 0

Средба Ахмети – Нуланд: Компромис за кризата во наредните денови

Претседателот на Демократската Унија за Интеграција (ДУИ), Али Ахмети денес во Амбасадата на САД во Скопје се сретна со помошникот државен секретар на САД за европски и евроазиски прашања во Стејт департментот, Викторија Нуланд, како и амбасадорот на САД во Скопје Џес Бејли.

Ahmeti-Nuland (1)

Поврзани вести

Претседателот на Демократската Унија за Интеграција (ДУИ), Али Ахмети денес во Амбасадата на САД во Скопје се сретна со помошникот државен секретар на САД за европски и евроазиски прашања во Стејт департментот, Викторија Нуланд, како и амбасадорот на САД во Скопје Џес Бејли.

Како што информираат од ДУИ, Ахмети и Нуланд разговарале околу начините како да се реши политичката криза во земјата и враќање на евро-атлантската агенда.

Нуланд ја изрази проценката на САД за конструктивната улога на Ахмети кон постигнување решение, како и тесната соработка со американските власти. Лидерот на ДУИ Ахмети ја увери Нуланд дека ДУИ е најконструктивна за изнаоѓање на решение како и изрази оптимизам за брзо постигнување на компромис од двете страни во наредните денови. Овој компромис треба да резултира со сеопфатни, веродостојни и демократски избори што е можно поскоро, соопштуваат од ДУИ.

Оттаму информираат дека Ахмети ја информирал државната секретарка на САД околу предлозите на ДУИ за чистење на Избирачкиот список и медиумите како и потребата за двете страни да се договорат дека се исполнети условите за избори, а потоа да се одреди датум за предвремени избори.

Ахмети на средбата побарал поддршка од Америка за следење на патот кон интеграцијата во НАТО и ЕУ, при што Нуланд истакнала дека тоа е заедничка цел.

Најчитани вести