среда, 16 август 2017  |  Вести денес: 32

Средба Димитриев – Хан: Треба да се почутува сувереноста при одлуките за државни прашња

Еврокомесарот Хан истакнал дека Европската Унија го почитува интегритетот на нашата земја и нашата европска иднина.

133560857

Последни вести

Претседателот на Владата на Република Македонија, Емил Димитриев, денеска оствари средба со Јоханес Хан, комесар за соседска политика и преговори за проширување на Европската Унија.

Премиерот Димитриев и Еврокомесарот Хан ја истакнаа значајноста и потребата од членството на Република Македонија во Европската Унија и дадоа позитивна оценка за меѓусебните односи, се посочува во соопштението од кабинетот на премиерот.

Двете страни ги поздравиле спроведените парламентарни избори оценувајќи ги како фер, кредибилни и демократски.

Соговорниците разговарале и за разни аспекти на актуелната политичка ситуација. Биле акцентирани реформите кои се потребни за унапредување на стандардите во сите општествени сфери и беше изразена посветеност кон продолжување на соработката во нивното спроведување.

Премиерот Димитриев истакна дека Владата во рамките на своите ингеренции е посветена кон реализација на сите потребни активности за водење на земјата и реализација на стратешките цели за европска и евроатланска интеграција. Тој истакна дека изјавите и постапките на определени политичари од соседните земји кои предизвикуваат негативни чувства кај граѓаните на Република Македонија не се во функција на унапредување на добрососедските односи додавајќи дека нашата земја ќе продолжи со спроведување на политики кои значат соработка со сите заинтересирани страни во регионот во сфери кои се од заеднички интерес, стои во соопштението.

Еврокомесарот Хан истакнал дека Европската Унија го почитува интегритетот на нашата земја и нашата европска иднина.

Соговорниците истакнале дека е битно да се почитува сувереноста во одлучувањето за прашањата од државен и национален карактер.

Најчитани вести