сабота, 25 март 2017  |  Вести денес: 0

Средба Груевски – Шчербак: Ситуацијата е зрела за нови избори, но некои се плашат од нив

Разговарајќи за текот и настаните кои ја одбележаа политичката криза, додаваат од партијата, амбасадорот се осврна на Шарената Револуција истакнувајќи ја штетата која истата ја предизвика на економски план внесувајќи нестабилност и неизвесност во државата, а со тоа и влијаејќи негативно на интересот на заинтересираните инвеститори.

ambasador_na_rusija-735x400-640x348

Последни вести

Претседателот на ВМРО-ДПМНЕ Никола Груевски придружуван од партискиот секретар за меѓународна соработка Александар Николоски на барање на амбасадорот на Руската Федерација, Олег Шчербак остварија средба, информираат од партијата.

На средбата се дискутирало за актуелната политичка ситуација во Македонија и Русија.

Околу актуелните предизвици за формирање владина коалиција, Груевски истакна дека по несоставувањето Влада и истекот на мандатот од 20 дена, се создаде зрела ситуација за нови предвремени избори со цел завршување на политичката криза. Очигледно е дека некои од партиите во Македонија покажаа страв од организирање на нови избори и повторно соочување со граѓаните, но ВМРО-ДПМНЕ како победничка партија на претходните избори смета дека распоредот на силите во парламентот кој оtcчигледно нема да овозможи услови за непречена реализација на било чија програма и што побрзото излегување од кризата се причина за што поитни нови предвремени избори, стои во партиското соопштение.

Разговарајќи за текот и настаните кои ја одбележаа политичката криза, додаваат од партијата, амбасадорот се осврна на Шарената Револуција истакнувајќи ја штетата која истата ја предизвика на економски план внесувајќи нестабилност и неизвесност во државата, а со тоа и влијаејќи негативно на интересот на заинтересираните инвеститори. Потенцираше дека секаде каде се организирани обоени револуции страда социо-економската благосостојба на граѓаните.

Покрај ова се разговарало и за глобалната економија како и за економските состојби во Македонија и Русија.

Најчитани вести