Премиерот Зоран Заев кој е во официјална посета на Србија, денеска се сретна со српскиот претседател Александар Вучиќ.
Соговорниците констатирале дека пријателството помеѓу Македонија и Србија е исклучителен потенцијал за продлабочување на односите помеѓу двете земји.
– „Од особен интерес е соработката и на безбедносните прашања, економската и социјална благосостојба на граѓаните на двете земји, како и регионалните иницијативи за кои и од Република Македонија и од Република Србија има особено голем интерес“, се вели во соопштението од владината прес-служба.
Вучиќ по средбата со Заев изјави дека Македонија во Србија има искрен пријател, а целта на Македонија и Србија е мирот и стабилноста на регионот.
Вучиќ ја истакнал и поддршката за европските интеграции.
