Балкан

Српското МНР реагираше на изјавата на Еди Рама

Српското МНР реагираше на изјавата на Еди Рама

Министерството за надворешни работи на Србија реагираше на изјавата на албанскиот премиер Еди Рама за можното обединување на Албанија и Косово така што испрати соодветни инструкции до сите мисии при меѓународните организации и амбасади во земјите-членки на ЕУ, на СБ на ОН и до соседните земји.

Весникот „Данас“ наведува дека упатено е писмо и до претседавачот на Советот за безбедност при Обединетите нации со барање писмото да биде документ на СБ.

Во интервјуто на Рама за косовската телевизија „Клан Косово“ тој изјави дека доколку Косово и Албанија не се обединат во ЕУ, тогаш тоа ќе го сторат на класичен начин. Ваквата негова изјава наиде на поддршка и од Хашим Тачи.

Изјавите на Рама и Тачи за обединување на Албанија и Косово ја критикуваше Европската комисија, нагласувајќи оти тоа е провокација која не е во согласност со политиката на соработка во регионот.