Од денес стапи на сила законот со кој се забранува пушење во автомобил во Англија и Велс.
Противзаконски е возачите и патниците да пушат во возилото, доколку во него се превезуваат и деца.
За прекршителоте на оваа законска одредба е предвидена казна од 50 фунти, но полицијата соопшти дека на почетокот од примената на новиот закон, нема ригорозно да се применуваат неговите одредби.
Со забраната се опфатени пушачи помлади од 18 години и таа се однесува и кога прозорците на автомобилот, или покривот, се отворени.
Нема забрана за користење на т.н. електронски цигари.
Во Шкотска, ваквиот закон се предвидува да се воведе во текот на идната година, а Северна Ирска соопшти дека, засега, ќе ги испитува искуствата од неговата примена во Англија и Велс, пред да се определи за својата одлука околу пушење во автомобил.
Според податоците на британската Фондација за бели дробови, секоја недела, на опасниот чад од цигарите и пушење во автомобил се изложени повеќе од 430 илјади деца.
