Стивен Кари и неговите 77 “врзани тројки”

Стивен Кари предизвика вистинска хистерија кај новинарите кои биле присутни на тренингот на Голден Стејт на кој бекот уфрлил 77 врзани тројки од различни позиции.

Тој е еден од најдобрите стрелци во лигата и заедно со Клеј Томпсон го предводи Голден Стејт, најдобриот тим во Западната Конференција.

Во досегашниот тек од сезоната речиси и да нема статистички параметар во кој тој не е брилијантен, а тоа е резултат на напорното тренирање и вежбање. Колку навистина тоа добро го прави на тренинзите доволно зборува и веста која гласи дека на еден од нив погоди 77 тројки по ред и тоа од различни позиции.

Кари на секој тренинг шутира 100 топки зад линијата од 7,25 метри и прави по 10 шутеви од 10 различни позиции. Тоа го стори и на еден од последните тренинзи и направи неверојатно нешто. Инаку, до крајот на серијата уфрли вкупно 94 шутеви од 100 обиди.

Доколку преземете содржина од оваа страница, во целост сте се согласиле со нејзините Услови за користење.