На 28 ноември 2017 година, хунтата на чело со Заев пика по затвори се она што не се согласува со нивната предавничка политика, истакна Бојан Стојаноски од ВМРО- ДПМНЕ на протестот пред Кривичниот суд Скопје, против приведувањата пратеници и други лица за учество во настаните во Собранието од 27 април годинава.
„Дурловски е затворен затоа што ја пееше нашата песна- македонската. На бранителот Митко Чавков му се товари дело тероризам исто како оние од Диво Насење. Кој е поголем терорист Чавков што ја бранеше државата или оние терористи што ја напаѓаа? Човекот учествувал и во одбраната во 2001 година, каде што Заев како дезертер одбегнувал да го служи воениот рок“, рече Стојаноски.
Притоа додаде дека „Она што е јасно е дека на крајот повторно Македонците ќе победат. Се она што се случува ќе биде само една грда страница во историјата“.
