Русија продолжува со непочитување на меѓународниот договор за прекин на огнот во Украина, изјави денеска генералниот секретар на НАТО, Јенс Столтенберг.
Тој, исто така, упати критики за руската контрола на борбената готовност, нагласувајќи дека „ја поткопуваат стабилноста“.
– Прекинот на огнот повторно се прекршува, поради тоа сме многу загрижени, нагласи Столтенберг на прес-конференција.
Генералниот секретар на НАТО додаде дека „Русија ги поддржува сепаратистите со опрема, оружје и свои трупи, распоредени долж границата“.
Лидерите на ЕУ овој месец треба да донесат одлука дали ќе ги продолжат санкциите за Русија, воведени како мерка за воспоставување мир во Украина.