Македонија

Стопанственици од Унгарија ќе се запознаат со поволностите за инвестирање во Општина Илинден

Стопанственици од Унгарија ќе се запознаат со поволностите за инвестирање во Општина Илинден

Во организација на Општина Илинден, на 16.10.2014 година (четврток) со почеток во 9:30 часот во Домот на култура „Илинден“ ќе се одржи средба на 15-на стопанственици од Унгарија и претставници на бизнис заедницата од Општина Илинден. На средбата на која ќе учествуваат и претставници на Унгарската национална трговска комора, на присутните ќе им се обратат и амбасадорот на Унгарија во Република Македонија, Јозеф Бенце, како и домаќинот на овој бизнис форум, градоначалникот на Општина Илинден, Жика Стојановски.

Стопанствениците ќе ја искористат средбата за меѓусебно запознавање, размена на информации и искуства со цел остварување на бизнис соработка. На Форумот ќе бидат претставени можностите за инвестирање во Општина Илинден, која што последниве години е вистинска бизнис дестинација како за домашните, така и за странските инвеститори. Стопанствениците од Унгарија ќе можат да се запознаат со поволностите што Општина Илинден им ги нуди на инвеститорите, пред се ниските цени на градежното земјиште и малите давачки.

Ова е дел од стратегијата на Општина Илинден за привлекување на што поголем број компании што би инвестирале на нејзина територија, со единствена цел отворање на нови работни места и подобрување на квалитетот на живеење на граѓаните на Општината и во регионот.

Општина Илинден
Одделение за поддршка на Градоначалникот