Македонија

Странците се повеќе сакаат да живеат во Охрид

Странците се повеќе сакаат да живеат во Охрид

Странските туристи се сè побројни во Охрид. Но покрај, како туристичка атракција, балканскиот Ерусалим стана привлечен и како емиграциска дестинација. Туристите, посебно оние од западните држави купуваат куќи и станови и се доселуваат за постојано живеење. Пештани, Лагадин, Рача, Велестово се само дел од локациите кои се атрактивни за странците.

„Само оваа година повеќе од 40 станови и куќи во Охрид ги купиле луѓе од Холандија. Се купува во Пештани и во Лагадин, а атрактивен е и стариот дел на градот. Неколку семејства од Англија имаат изградено куќи во населбата Рача, а нова дестинација е за поимотните луѓе од Скопје и Белград е селото Велестово, каде се градат вили и се купува земја“, истакна градоначалникот на Охрид Никола Бакрачески.

Во однос на минатата, оваа година бројот на странски туристи е зголемен за 6,5 проценти. До јуни оваа година во Охрид престојувале над 9 илјади гости само од Турција.