четврток, 22 декември 2016  |  Вести денес: 49

Страшна сообраќајка на патот Охрид-Кичево: Еден загинат, еден повреден

Дваесет и шест годишно момче го загуби животот во тешка сообраќајна несреќа што синоќа, во 22 часот и 20 минути се случи на магистралниот пат Охрид-Кичево, во близина на населбата Горица.

Инцидент на Клиника: Не сакал да плати за паркинг, па го избодел со нож вработениот

Поврзани вести

Дваесет и шест годишно момче го загуби животот во тешка сообраќајна несреќа што синоќа, во 22 часот и 20 минути се случи на магистралниот пат Охрид-Кичево, во близина на населбата Горица.

Од здобиените повреди на местото починал Аднан А. од Кичево, а А.Л. (26) од Кичево се здобил со тешки телесни повреди. Тој итно е префрлен во Општата болница во Кичево, а потоа испратен во Ургентниот центар –Скопје.

Сообраќајната несреќа се случила кога, сега починатиот, по магистралниот пат во правец Охрид-Кичево, управувал патничко моторно возило „Опел Вектра“ со кичевски регистарски таблици. Тој почнал да врши престигнување на патничко возило „Волсфаген Пасат“, по што изгубил контрола, преминал на левата страна од патот и излегол надвор од коловозот. Во следниот момент, возилото се извртело и со бочниот десен дел удрило во рекламното пано и повторно се извртело. Возачот и сопатникот А.Л. испаднале од возилото, кое потоа со задниот лев дел удрило во патничко возило „Поло“, кое било паркирано во кругот на блиската бензиска пумпа.

На местото на сообраќајната несреќа извршен е увид во присуство на јавен обвинител и полициски екипи од полициската станица за безбедност во патниот сообраќај Кичево. По наредба на јавниот обвинител, патничкото возило „Опел Вектра“ е подигнато за понатамошен технички преглед, информира портпаролот на СВР Охрид Стефан Димоски.

Најчитани вести