Крими хроника

Стружани уапсени во Тирана поради шверц на дрога

Стружани уапсени во Тирана поради шверц на дрога

Поради шверц на дрога, двајца стружани биле уапсени вчера во Тирана. Во операцијата со кодно име „Струга“, албанската полиција ги уапсила 28-годишниот Антонио Ручи и 45-годишниот Зулфи Адеми, двајцата родени и со место на живеење во Струга.

Според медиумите во Тирана, тие се осомничени дека биле дел од нарко мрежа за препродавање кокаин и марихуана во Албанија.

Македонските државјани биле уапсени во автомобил Мерцедес бенц со македонски регистарски таблички. Освен нив, приведен е и 27-годишен албански државјанин.

При претресот на возилото биле пронајдени 100 грама кокаин и 10-ина грама канабис сатива.