Регионалниот центар за управување со кризи на Град Скопје, информира дека во сабота без електрична енергија ќе останат жителите на Љубош, општина Студеничани, во периодот од 9 до 15 часот.
За во понеденик, 26.05.2014 година, најавуваат дека без електрична енергија ќе останат повторно делови на Студеничани, но и на Карпош, Ѓорче Петров, Чучер-Сандево и Сарај.
Во општина Карпош во периодот од 7:30 до 9:30 без електрична енергија ќе биде објектот на Тинекс на улица Никола Русински, а додека пак од 11 до 15 часот, без струја ќе бидат корисниците од улиците Ацо Шопов и Пролетерска.
Жителите на улиците Пробиштипска и Мице Козар, во општина Ѓорче Петров, без електрична енергија ќе бидат во период од 9 до 14 часот.
Во општина Сарај, во периодот од 9 до 15 часот, без напојување со електрична енергија ќе бидат корисниците од улиците 1, 2, 3, 4 и 5 во селото Грчец.
Во периодот од 9:30 до 15 часот, без струја ќе бидат корисниците од селото Кучевиште, во Чучер-Сандево.
Во Студеничани, во периодот од 8:30 до 15 часот, без напојување ќе бидат жителите од Љубош, а од 9 до 12 часот, корисниците од улицата број 3 во селото Студеничани.