Македонија

Субвенции за добивање ознака Национален ресторан – меана

Субвенции за добивање ознака Национален ресторан – меана
Субвенции за добивање ознака Национален ресторан - меана

До 30-ти септември годинава угостителските објекти ќе може да се пријават за добивање субвенции за ознака Национален ресторан-меана.

Огласот за добивање субвенции го објави Министерството за економија, а вредноста на повикот е 1.000.000 денари.

Субвенционирањето на угостителските објекти за добивање на ознаката се врши преку кофинансирање 60 проценти од докажаните трошоци, но не повеќе од 120.000 денари кои ќе се направат за набавка на опрема, алати и инвентар, печатење промотивен материјал, учество на обуки, семинари и презентации, уредување или подобрување на деловниот простор.

Средствата не може да се користат за набавка на потрошен материјал и возила, закупнина за деловен простор, платен ДДВ за трошоците за кои се бара кофинансирањето, како и за царина за трошоците.

Ќе се земат предвид трошоците направени во периодот од 1-ви јануари 2015 година до крајниот рок на аплицирање.

Изборот на пристигнатите барањата ќе се прави по принципот „прв дојден, прв услужен“, односно по редослед на поднесување на апликацијата, до исцрпување на средствата.