Балкан

Судот за воени злосторства во Косово ќе биде во Холандија

Судот за воени злосторства во Косово ќе биде во Холандија

Седиштето на Специјалниот меѓународен суд за воени злосторства во Косово ќе биде во Холандија, а неговото формирање не може да се очекува пред следното лето, пренесе Танјуг, повикувајќи се на изјава на холандскиот амбасадор во Приштина, Роберт Бош.

-Холандија позитивно одговори на барањето за формирање на овој суд, што соодветствува на нејзините амбиции да биде светски центар на правосудството, но за реализацијата на овој проект, пред се, е потребна одлука на косовскиот Парламент, рече Бош за косовската телевизија РТВ21.

Амбасадорот забележа дека политичката криза во Косово, каде пет месеци по изборите уште нема активен Парламент и Влада, го одлага решавањето на овој проблем. Тој подвлече дека формирањето на судот не може да се случи без уставни измени и одобрение од Парламентот, по што треба да се склучи спогодба со Холандија.