Судски процес против убиецот на чилеанскиот поет Виктор Хара

Еден американски судија нареди отворање судиски процес против поранешниот офицер на армијата на Чиле, Педро Бариентос, под обвинение за убиството на познатиот левичарски поет и фолк пејач Виктор Хара во 1973 година.

Бариентос, кој сега е американки државјани и живее во Флорида, ќе одговара за тортура  и за убиство на овој чилеански поет..

Хара беше еден од илјадниците чиленски левичари и либерали кои беа затворени и сурово испрашувани на стадионот во главниот чилеански град,Сантјаго по извршениот воен удар од септември 1973 година, кој го предводеше генералот Августо Пиноче.

Поетот беше изложен на брутална тортура, а подоцна застрелан без судење.

Тужбата против некогашниот офицер Бариентос ја поднесоа вдовицата на поетот, Џоан и нивната ќерка Аманда.

Виктор Хара беше познат во чилеанската јавност како „популарен поет на широките народни маси“ и фолк пејач во 60-те и 70-те години на 20-от век. Тој пишуваше и пееше песни против социјаните неправди во тогашно Чиле и против неговата богата елита, која владееше со земјата.

Во оваа јужноамериканска земја важеше за глас на левицита и на чилеанските комунисти, а беше силен подржувач и на левичарскиот претседател Салвадор Аљенде.

Во 2009 година неговите посмртни останки беа ексхумирани, а подоцна повторно погребани со државни почести во присуство на илјадници љубители на неговата поезија.

Доколку преземете содржина од оваа страница, во целост сте се согласиле со нејзините Услови за користење.