Супер Смешка – ново списание за деца

Супер Смешка е најново списание за деца, кое има за цел да одговори на најновите светски барања и воспитно-образовни тенденции за едукација на децата низ игра и забава и да ги води кон нови сознанија со помош на содржини сообразени и својствени за возраста.

Списанието кое ќе излегува еднаш месечно (септември – јуни), е одобрено за употреба во установите за деца со решение од Министерот за труд и социјална политика на РМ и претставува своевидно дидактичко средство за реализација на програмските цели.

Содржините во списанието ја следат програмата за рано учење и развој и се компатибилни со возраста на детето и стандардите за рано учење и развој во Република Македонија, кои се меѓусебно синхронизирани и интегрирани како значајна основа во процесот на развојот на детето од предучилишна возраст. Во секоја рубрика од списанието, преку подржување на холистичкиот пристап како единствен во развојот на стандардите и примена на најновите практики во детските градинки, постои комплементарна поврзаност и меѓусебна условеност на петте домени од развојот (Физичко здравје и моторен развој, Социоемоционален развој, Развој на пристап кон учење, Развој на јазикот, описменување и комуникација и Когнитивен развој и стекнување на општи знаења), што значи прогресот во еден домен влијае на развојот на другиот.

Доколку преземете содржина од оваа страница, во целост сте се согласиле со нејзините Услови за користење.