Македонија

На барање на светиниколчани Караванот „Купи куќа, купи стан“ кај нив

На барање на светиниколчани Караванот „Купи куќа, купи стан“ кај нив

На барање на светиниколчани оваа среда Караванот „Купи куќа, купи стан“ ќе одржи презентација во Свети Николе.

Преставниците од Министерството за финансии пред граѓаните ќе го презентираат проектот, условите за аплицирање, висината на субвенциите, моделите кои можат да се користат и процесот како да се аплицира.

Во рамки на презентацијата ќе биде претставена и локалната понуда на станови, како и плацеви за изградба на куќи кои ги нуди општината. Презентацијата, како што информираат од Министерството за финансии, ќе се одржи во 17 часот во Општината.

Светиниколчани покажаа голем интерес за проектот „Купи куќа, купи стан“

Минатата недела, при работна посета на вицепремиерот и министер за финансии Зоран Ставрески во Свети Николе, граѓаните искажаа голем интерес за „Купи куќа, купи стан“. Некои од нив веќе го имаа искористено проектот и сакаа позитивното искуство да го пренесат на своите сограѓани. Свети Николе ќе биде посетено од Караванот на нивна иницијатива.

Ставрески во посета на Свети Николе
Ставрески во посета на Свети Николе

Караванот Купи куќа, купи стан држи презентации низ градовите во Македонија со цел да го приближи проектот до секој граѓанин кој има потреба од него.