сабота, 26 ноември 2016  |  Вести денес: 19

СВР Охрид со детали за тешката сообраќајна несреќа кај Охрид

Три лица се здобиле со тешки телесни повреди во сообраќајната незгода што денес во 07 часот и 50 минути се случи на магистралниот пат Охрид-Кичево, на потегот помеѓу селата Мешеишта и Требеништа, информираат од СВР Охрид.

svrohrid

Поврзани вести

Три лица се здобиле со тешки телесни повреди во сообраќајната незгода што денес во 07 часот и 50 минути се случи на магистралниот пат Охрид-Кичево, на потегот помеѓу селата Мешеишта и Требеништа, информираат од СВР Охрид.

Со возила на брза помош, две тешко повредени лица се пренесени во болницата „Св.Еразмо“ додека третото повредено лице се наоѓа на одделот хирургија при Општата болница во Охрид.

Во тешката сообраќајната незгода учествувале две патнички возила-џип: „Порше“ со дипломатски ознаки и „Крајслер“ со американски национални ознаки како и едно товарно моторно возило марка „Ивеко“ со македонски национални ознаки.

Како што информираат од СВР Охрид во изјава за Нетпрес, тешко повредени се лицата што се превезувале во „Крајслерот“ со американски регистарски ознаки, а со оглед на тоа што се неконтактибилни тешко е да се утврди и нивниот идентитет. Неофицијално дознаваме дека станува збор за македонски државјани што живеат и работат во Њујорк.

Како што претходно дознавме во другиот џип со дипломатски таблички бил Силјан Мицевски почесен конзул на Србија во Македонија и бизнисмен.

СВР Охрид со детали за сообраќајната несреќа

Како што информира СВР Охрид, двете патнички моторни возила, по магистралниот пат се движелe во правец од Охрид кон Кичево додека товарното возило „Ивеко“ сообраќало во обратен правец односно од Кичево кон Охрид.

Моментно е утврдуваат причините за сообраќајната незгода како и тоа дали истата е случена во момент на претекнување на возилото-џип  „Крајслер“ во кој се наоѓале трите сега тешко повредени лица над возилото „Порше“.

На местото на сообраќајната незгода, извршен е увид во присуство на јавен обвинител, сообраќаен вештак и полициски екипи од полициската станица за безбедност во патниот сообраќај Охрид. За време на увидот, сообраќајот беше во прекин за товарните возила и автобусите додека патничките возила беа пренасочувани по локалните патишта.

Во соработка со Јавниот обвинител, се преземаат мерки за утврдување на идентитетот на тешко повредените лица а по негова наредба, врз моторните возила ќе биде извршено дополнително вештачење.

Видео снимка од местото на сообраќајната несреќа погледнете на следниот линк.

Најчитани вести