Таксистите од Гевгелија ја блокираа пругата

Таксистите од Гевгелија ја блокираа пругата, бараат вклучување во транспортот на мигранти.

Утрово во 10.00 часот Здружението на лиценцирани такси превозници „Авто-таксисти“ од Гевгелија започна протест.

Како што информира МВР, таксистите со своите такси возила и жив штит вршат блокада на железничката пруга, на делот пред железничкиот мост на Сува Река, со блокада на возовите кои се упатуваат до Прифатниот центар за мигранти и блокирање на влезовите за патничкиот сообраќај на Гевгелија.

Ваквите блокади би траеле секојдневно, се до исполнување на нивните барања, односно вклучување во транспортот на мигранти од Гевгелија за Куманово.

Доколку преземете содржина од оваа страница, во целост сте се согласиле со нејзините Услови за користење.