Американскиот режисер, оскаровец Квентин Тарантино остави отпечатоци од прсти и стапала во бетонот пред легендарниот кинески театар во Холивуд.
Тарантино (52), кој го промовира својот нов филм „Тhe Hateful Eight“, номиниран за Златен глобус во три категории, рече дека е почестен со оваа прилика.
Сакав отпечатоците на своите дланки и стапала да ги оставам пред Кинескиот театар многу пред да ја започнам кариерата, изјави Тарантино.
Тој додаде дека ова е нешто што го посакувал цел живот. Тарантино беше во друштво на австрискиот актер Кристоф Волц, кој е награден за Оскар за улогите во неговите филмови „Проклетници“ (2010) и „Одмаздата на Џанго“ (2013).
Квентин збунува, изненадува, а најмногу од се тој не забавува, рече Волц.
Пред само две седмици, Тарантино доби своја ѕвезда на холивудскиот Булевар на славните.
