Шеесетгодишниот Ирачанец Рамадан Басил со калашников убил група милитанти на контролен пункт во Тикрит, град северозападно од Багдад што сега е под контрола на ИСИС, пред и самиот да биде застрелан, во знак на одмазда поради погубувањето на неговиот син.
Синот на Рамадан, Ахмед Басил, 18, беше еден од осумте мажи што ИСИС ги погуби во јануари, а ги обвини за инфилтрирање во организацијата и шпионирање во корист на ирачката влада.
ИСИС објави фотографии од видеото со погубувањето на Ахмед Басил Рамадан и седуммина други, за кои се наведува дека се полицајци, обвинети за пренесување информации за Исламска држава до ирачката влада.