Спорт

Таткото на Бјанки има се помалку надеж за неговиот син

Таткото на Бјанки има се помалку надеж за неговиот син

Семејството на Жил Бјанки минува низ вистински пекол по неговата тешка несреќа за време на јапонското гран-при минатата година, кога тој со болидот на Марусија удри во сервисно возило на патеката Сузука и се здоби со тешки повреди.

Французинот девет месеци е во кома и се наоѓа во болница во Ница, Франција, а неговата состојба никако да се подобри.

„Ова е навистина неподносливо, секојдневна тортура“, изјави Филипе Бјанки, таткото на Формула 1 возачот. „Понекогаш мислиме дека ќе полудиме, бидејќи за мене, ова е потешко отколку да починеше. Не можеме да му помогнеме повеќе. Времето минува и јас сум се помал оптимист отколку што бев неколку месеци по несреќата, кога се надевавме на подобро. Понекогаш е добро да знаете каде стоите и да ја сфатите сериозноста на ситуацијата“, рече таткото на Бјанки.

Тој исто така дополни дека со Жил разговарал за ситуацијата во која се нашол Михаел Шумахер.

„Ако се разбуди од кома и продолжи да живее со инвалидитет, ние сме сигурни дека тоа не е воопшто што Жил би го сакал. Имаме разговарано за вакво нешто. Тој ни кажа дека ако доживее несреќа како онаа на Михаел Шумахер и ако веќе не може да вози, тоа би му било многу тешко да го прифати, бидејќи тркатање е неговиот живот“, заврши Филипе Бјанки.