Телма фатена во огромна лага: Се наоѓале на истото место каде што СДСМ тепаше граѓанин

Јавноста бурно реагираше откако во своите први вести во 15:30 Телма одби воопшто да соопшти дека имало скандалозен инцидент во кој активистот на СДСМ Исмаил Малиќи Ицко физички нападна случаен минувач од Скопје, пишува „Курир“.

Под притисок на јавноста но и неможноста да се скрие таков скандал што се случи среде бел ден колку и тоа да го сакале нарачателите на прилозите, Телма во својот дневник од 18:30 се обиде „да се испере“ за срамниот прилог од вестите од 15:30.

Во дневникот од 18:30 повторно беше пуштен истиот прилог како и во вестите од 15:30, но после него презентерката се обиде да ја излаже јавноста дека „камерите на Телма во моментот на инцидентот биле на друга блокирана крстосница“ и затоа не го снимиле моментот на тепањето.

Целиот прилог на Телма за блокадите е снимен на истото место каде се случил скандалозниот настан, а напаѓачот Исмаил Малиќи – Ицко се наоѓа во последниот кадар од прилогот на Телма. Ова е најновиот безуспешен обид на оваа телевизија попусто да се прикаже како независен медиум, наместо медиум кој работи по нарачка на СДСМ. Ваквите срамни епизоди како денешната само ја потенцираат вистината, пишува „Курир“.

Доколку преземете содржина од оваа страница, во целост сте се согласиле со нејзините Услови за користење.