Бруно Марс изведувач на годината во изборот на AMAs

На годинешното доделување на Американските музички награди (AMAs), Бруно Марс во неделата ја однесе титулата изведувач на годината, а и во повеќето други категории доминираа машките мучичари, но на свеченоста на доделувањето на наградите со впечатливи изведби владееја пејачките Пинк, Леди Гага и Кристина Агилера.

Бруно Марс ги освои и наградите во категориите: најдобар поп-рок албум, омилен машки поп-рок изведувач, имаше најдобро видео годинава и прогласен е за најдобар музичар во соул и R&B музиката.

Поранешниот член на тинејџерскиот бенд One Direction, Најл Хоран ја освои наградата за најдобар нов музичар, а Порториканецот Луис Фонси, Џастин Бибер и Деди Јенки наградата за соработка на годината на песната „Despacito“.

За омилена пејачка на годината во категориката поп-рок музика е прогласена Леди Гага. Во преносот на доделувањето на признанијата се вклучи од турнејата којашто ја најде во Вашингтон. Ја изведе песната „The Cure“.

За најдобар женски вокал годинава во соул и R&B музиката е прогласена Бијонсе.

Мегаѕвездата на дискографската куќа „Motown“, Дајана Рос, ја освои наградата за животно дело, а честитки преку водео снимка ѝ упатија поранешниот американски претседател Барак Обама и неговата сопруга Мишел. На сцената се појави опкружена со членовите на нејзиното семејство.

Наградата за турнеја на годината ја однесоа членовите на групата Coldplay. Најдобар кантри пеач на годината е Кит Урбан, а најдобри изведувачи на алтернативен рок се групата Linkin Park.

Во категоријата најдобар музчат на рап и хип-хоп е Дрејк, а наградата за најдобар рап и хип-хоп албум ја освои Кендрик Ламар.

Кулминација на вечерта беше изведбата на Кели Кларксон и Пинк кои ја изведоа нумерата „Everybody Hurts“ на групата REM, посветувајќи ја на спасувачите и жртвите од ураганите и пожарите кои опустошија големи делови од САД.

Актерката Виола Дејвис ѝ одаде почест на починатата пејачка и актерка Витни Хјустон, односно 25-годишната од филмот „The Bodyguard“, а Кристина Агилера впечатливо ги изведе хитовите од филмот.

Доколку преземете содржина од оваа страница, во целост сте се согласиле со нејзините Услови за користење.