Разобличена лагата за фиктивните гласачи на „Фокус“

Разобличена лагата за фиктивните гласачи на „Фокус“
Разобличена лагата за фиктивните гласачи на „Фокус“
Се покажаа за целосно лажни тврдењата на медиумите блиски до СДСМ дека наводно пратеничката на ВМРО-ДПМНЕ, Даниела Рангелова имала до 100 лица регистрирано на нејзината домашна адреса.

Сепак, ваквата лага за фиктивни гласачи се разобличи веднаш. Даниела Рангелова од Центар денеска се сретна со Даниела Рангелова од Брвеница, со што се докажаа манипулациите на СДСМ со изборниот процес и нивното непознавање на државата.

Пратеничката на ВМРО-ДПМНЕ изјави дека СДСМ е во очај и паника во пресрет на поразот кој им претстои на изборите на 5 јуни и затоа максимално ги ставаат во функција сите погони од Фабриката за афери на чело со Фокус

– Фокус објави целосна невистина и конструкција дека јас сум била пријавена на адреса во Брвеница каде се регистрирани уште 120 други гласачи Еве ја вистината која ја урива целата конструкција. Ова е Даниела Рангелова од Брвеница. Единствениот нејзин грев за кој ја злоупотребуваат медиумите на Сорос е тоа што има исто име и презиме како мене, рече Рангелова.

Се работи за свесно измонтирана лага, односно за комплетно различни личности, а фактот што има 100 лица на едно место е поради тоа што тие практично живеаат на една селска улица во Брвеница и од кога знаат за себе тие гласаат на истиот принцип.

– Втората груба манипулација и потценување на граѓаните е тоа што СДСМ намерно лаже и премолчува дека во Брвеница нема систем на улици и адреси. Затоа жителите на Брвеница се регистрирани на една адреса. Разликата во поддршката која што ја има ВМРО ДПМНЕ и СДСМ не е 10 гласа. Не е ниту 100 гласа или 1000 гласа. Разликата е 200.000 гласа. Затоа СДСМ се плаши и се обидува да конструира афери. Со ваквото деструктивно однесување на СДСМ, таа разлика ќе се зголеми на 5 јуни, рече Рангелова.

Рангелова ги повика ДИК и МВР кои се најодговорни за избирачкиот процес да се погрижат за сите детали вклучувајќи го и прочистувањето на избирачикиот список.

СДСМ ја има контролата во овие институции и не смее да се остава повеќе алиби партијата да бега од избори. Меѓународните претставници веќе се изјаснија дека има време за прочистување на списокот и не постојат причини за никакво одложување на изборите.

Доколку преземете содржина од оваа страница, во целост сте се согласиле со нејзините Услови за користење.