Напаѓачот на ПСЖ, Единсон Кавани, деновиве се поврзуваше со калчолигашот Интер, откако овој клуб не успеа да дојде до потписите на Един Џеко и Ромелу Лукаку.
Кавани се споменуваше како добра опција, алтернатива за „нероаѕурите“ со оглед на тоа што добро го познава италијанскиот фудбал, но поради фактот што е во последната година од договорот со Пари Сен Жермен. Меѓутоа овие информации веднаш ги демантираше Уругваецот за која за следнава сезона има само една опција-да го носи дресот на „светците“ од Париз.
-Веќе им кажав на навивачите, а и себеси си ветив дека ќе останам во ПСЖ до крајот на договорот. Тоа е сигурно. Во иднина можам да одлучам да се вратам во Уругвај, ама фудбалот не зависи само од вас, тука е клубот и навивачите. Единствената работа која ја знам е дека ќе продолжам да давам се за ПСЖ затоа што по шест години Париз е мојот дом и моето семејство, -порача гранде Кавани.
Доколку преземете содржина од оваа страница, во целост сте се согласиле со нејзините Услови за користење.