Неколку стотина илјади евра фалат од трезорот на една банка во Скопје, објави вчера ТВ Алфа, истакнувајќи дека информацијата ја потврдило и Министерството за внатрешни работи.
Неофицијално, парите најверојатно станале плен на тројца вработени во банката, двајца трезористи и еден одговорен за безбедноста на парите. Вработените кои биле задолжени да внесуваат пари во банкоматите на банката, дел ги ставале внатре, а дел задржувале за себе. Притоа тие во софтверот на банкоматот внесувале лажни податоци за тоа колку пари ставиле.
Тоа го правеле неколку месеци.
Министерството за внатрешни работи, деталите за овој грабеж најверојатно ќе ги обелодени денеска.