Луиз демантира дека е несреќен на Стемфорд Бриџ

Бразилскиот интернационалец од редовите на лондонскиот премиерлигаш Чезли, Давид Луиз, експресно ја демантираше последната пласирана шпекулација од англиските медиуми дека е незадоволен од новата позиција и дека ќе побара промена на клупската средина за време на летниот преоден рок.

„Сакам и понатаму да го носам дресот на Челзи, сакам да играм за Челзи. Не е важно на која позиција играм, не е важно дали сум играч за врска или централен дефанзивец. Јас сум пресреќен што добив шанса да играм за еден толку голем клуб каков што е Челзи”, изјави репрезентативецот на Бразил.

Во изминатите неколку месеци актуелна беше приказната дека челниците на каталонскиот гигант Барселона се подготвени да одвојат околу 35 милиони евра за услугите на Давид Луиз.

Доколку преземете содржина од оваа страница, во целост сте се согласиле со нејзините Услови за користење.